Shillong, Naitung 27
Ka Kynhun Myntri ka Jylla ha ka Lah Sngi U Blei ka la mynjur ban pynjlan ïa ka samoi treikam u Chief Technical Adviser (Generation) jong ka tnad bording.
Haba kren sha ki lad pathai khubor hadien ba la wai ka jingïalang ka Kynhun Myntri ba la pynïaid da u Myntri Rangbah ka Jylla, u Conrad K. Sangma, u Myntri Sorkar, u Marcuise N. Marak u la ong ba u Bah B.M. War uba la shongthait kum u Chief Engineer (Civil) ka Meghalaya Energy Corporation Limited (MeECL) un dang bteng ban shakri ïa katei ka kam.
“Ka Kynhun Myntri ka la mynjur ban pynjlan ïa ka samoi treikam u Bah B.M. War, Chief Engineer (Civil) ba la shongthait jong ka MeECL, ban bteng kum u Chief Technical Adviser (Generation) ha ka tnad pynmih bording,” la ong u Marak.
