Shillong, Nailar 06
Kumba saw ne san tylli ki dukan ba don harud surok, kila ingkhong khait ha ka jingpluh ding ha ka miet jong ka sngi Balang ha Laban Last Stop.
Kane ka jingjia kala jia ha ka por 8:30 eiei, ha ka por ba ka thaiñ ka dang thnem bha da ki nongthied nongpet bad ki nongïaid lynti.
Ïa ka daw ba thikna ym pat lah satia ban tip hynrei la suba jur ba ka lah ban dei na ka jingthut ki waiar bording.
Kane ka ding kala bam duh ruh ïa baroh ki jingdon jingem bad ki mar ki mata kiba don ha kine ki dukan.
Ki kali pynlip ding kila wan poi mar mar sha katei ka jaka bad kila lah ban tem ïa ka ding hashuwa ba kan pur sha kiwei pat ki jingtei ba marjan.
