Shillong, Nailar 07
Ban kham pynsuk ïa kiba pyndonkam ïa ki tyndong shet jingshet (Gas Cylinder), ka Indian Oil ha ka Sngi Thohdieng ka la pynlait paidbah ïa ka Indane XtraLite Now, ki tyndong shet jingshet ba dang shna thymmai kaba don 10 kg bad kaba pynsuk ruh ban ïoh lyngba ka rukom shakri ba thymmai.
Ha kane ka jingplie la wan ban ïadon lang ka Kong Evarinia Liza Warjri Additional Deputy Commissioner, East Khasi Hills, ka Kong Ibashisha Mawlong Director Food Civil Supplies & Consumer Affairs, u Bah Shai Kupar OSD ka tnad Food Civil Supplies & Consumer Affairs, ka Amarjyoti Bordoloi kaba long ka AOD State Office LPG Indian Oil bad ki nongtrei jong ka Indian Oil.
Ka jingshna ïa kane ka long shi bynta ban pynbiang ïa ki jingangnud jong ki longïing longsem ba mynta bad ka Indane XtraLite Now ka ai ïa ka ‘Gas’ kaba sting, ki tyndong shet jingshet (Cylinder) ki bym sarang bad ka rukom ai jingshakri kaba lah ban pynbiang ïa ka jingsam paidbah katkum kane ka juk.
Shuh-shuh la batai ba ki tyndong shet jingshet (Cylinder) ki long kiba lah ban ïohi shapoh ban dup tip ïa ka jingdon ka ‘Gas’ hapoh. Ka pynsuk ruh ïa ki paidbah da ka jinglah ban pynpoi. Kiba pyndonkam ki lah ban pynrung kyrteng thymmai da kaba pyndap ïa ki jingdonkam lyngba ka IndianOil ONE App.
Kane ka jingshakri ba thymmai kan pynlah ruh ban ïoh lyngba ki nongsam Indane jong ka Indian Oil bad ki jaka die marbam ba la jied da ka Indian Oil ban pynthikna ba baroh kin ïoh ïa ka da kaba suk.
Ka jingpynmih ïa ka Indane Xtralite Now ka long u Mawjam ka jingïaid lynti jong ka Corporation ban thaw ïa ki lad pynmih bording kiba katkum ka juk, kiba long shngaiñ bad kiba kham suk ban pynbiang ïa ka jingangnud jong ki briew.
