Shillong, Nailar 07
U Dr. Jeremy Dkhar u lah shah jied kum u dkhot jong ka National Academy of Sciences India (NASI), kawei na ki ‘Science Academy’ ka ri India.
U Dr. Dkhar u dei u khun jong i(L) Bah David Giri Massar bad ka Kong Kerlinda Dkhar, ba shong basah ha Mawlai Ïewrynghep, Shillong.
U la pyndep ïa ka jingpule skul na Christian Academy Higher Secondary School, Riatsamthiah, Shillong. Hadien kata, u la ïoh ïa ka ‘Bachelor’s Degree’ ha ka ‘Biotechnology’ na St. Anthony’s College, Shillong.
Hadien kata, u la bteng ïa ka jingpule bad ïoh ïa ka ‘Master’s Degree’ ha ka ‘Biotechnology’ na IIT Roorkee, bad hadien u la pyndep ïa ka PhD ha ka ‘Botany’ na North-Eastern Hill University, Shillong.
Shuh shuh, u la trei kum u DST INSPIRE (Faculty) ha School of Life Sciences, Jawaharlal Nehru University, New Delhi.
Mynta, u Dr. Dkhar u trei kum u Principal Scientist ha ka Agrotechnology Division, CSIR-Institute of Himalayan Bioresource Technology, Palampur, Himachal Pradesh.
