Shillong, Nailar 09
Ka Jaiñtia Students Movement (JSM) Lapangap Unit ha ryngkat ki nongïalam shnong na Tahpat Pnar, Lapangap A bad Lapangap C ha ka 08 tarik u Nailar, 2026, ki la phah jingthoh sha u Bah Sñiawbhalang Dhar, Symbud Myntri Rangbah ka Jylla, ba un tuklar ha kaba ïadei bad ka jingklun be-aiñ, rep be-aiñ bad thmu tei be-aiñ ïa ka Outpost ha Lum Pynthor, Lapangap.
Nalor kane, la dawa ruh ba kadei ban pynkynriah ïa ka Police Camp sha Lum Pynthor.
La ong ba ki Karbi ki pyrshang ban klun jaka bad kam trai ïa u Lum Pynthor bad ka Dorbar Shnong, ka khlem ai kano-kano ka rai ne jingmynjur ban shah ïa ki Karbi ban rep ha Lum Pynthor, uba dang dei ka jaka jong ka shnong Lapangap.
Ka seng ka la dawa ruh ba ka Sorkar kadei ban shim ïa ki sienjam ban pynbeit pura ïa ka jingeh khappud hapdeng Meghalaya bad Assam, ban lait na ki jingïakajia ha ki por ban wan nalor kiwei-kiwei pat ki mat.
Na ka liang ki nongïalam ka JSM Lapangap Unit, ki la pyntip ba u Symbud Myntri Rangbah, u la kular ban shimkhia ïa kine ki mat, ba la buh ka seng
