Shillong, Nailar 12
U Pa’iem Nongtei Sing Syiemiong, u la ong ba ka jingkynnoh jong ki liang pyrshah ïa u ba u la kam nongkynti ïa ki jaka jong ka Hima, kadei ka bym shong nongrim.”Ka Law Lyngngam Tila & Pynden Tanglieh, katkum ki kot ki sla, kadei ka law Syiem, bad haba ong ka law Syiem kaba mut kadei jong ki kur Syiem bad kam dei jong u Syiem. Kumta kane ka Law Lyngngam Tila & Pynden Tanglieh, kadei jong ka jait Syiemiong bad jong ka jait Syiemlieh,” la ong u Pa’iem Nongtei Sing Syiemiong haba kren pynshai sha ki lad pathai khubor ha ka sngi Balang jong ka taïew.
U la ong ba kane ka jaka, kadei tang jong i mei-ieid jong u, kaba don bynta ki khyndew, ki jaka katkum ki kot ki sla naduh ki por jong ki British.
Shuh shuh u la ong ruh ba kine ki ar tylli ki khyndew Law Lyngngam Tila & Pynden Tanglieh, kadei kaba khmih beit da ka management board, hynrei shabar jong kine, kam lah shuh ban tuklar ei-ei ruh em, bad dei tang ha kine ki 2 tylli ki khyndew.
Halor ka jingkynnoh ki liang pyrshah ba u la kam nongkynti, u Pa’iem Nongtei Sing Syiemiong u la ong ba kidei hi ki briew kiba khwan myntoi ïalade. Ka jingkynnoh ym dei ba kim tip, ym dei ba kim sngewthuh, hynrei ki la dep tip.
