Shillong, Nailar 16
Ka Khasi Hills Autonomous District Council (KHADC) lyngba ka hukum na u Secretary, ka la pynskhem biang ïa u Ainam Manik Syiem, kum u Syiem bapura ka Hima Mylliem, hadien ka jingbishar bad ki hukum ba la pynmih da ka Iingkashari.
Ha ka hukum ba la pynmih da ka Executive Committee la ong, ba ka jingpynskhem biang ïa u Ainam Manik Syiem, kum u Syiem ka Hima Mylliem ka long da kaba pynshong nongrim halor ki ar tylli ki mat writ appeal kiba dangsah teng, kita ki writ appeal jong ka nombar 42 jong u snem 2026 bad ka writ appeal nombar 43 u snem 2026.
Ha ka hukum la bthah ruh ïa u Ainam bad u Alban ban pyndep ïa ka jingpynphai ban pdiang ïa ki kot ki sla treikam bad ki jingdon jingem jong ka ophis hapoh ka 18 tarik u Nailar 2026, katkum ka sub section ba 3 jong ka section 8 jong ka Khasi Hills Autonomous Appointment and Succession Syiem, Deputy Syiem, Electors and Rangbah Shnong of Mylliem Syiemship, Act 2007.
Ka KHADC ka la bthah ruh ïa u Ainam Manik Syiem, ban sumar bad ban pynneh ïa ki kot ki sla treikam, kiba ïadei bad ki mukotduma ba dangap ha Iingkashari.
