Shillong, Nailar 17
Hapdeng ka jingpynpra ki nongtrei ka tnad Municipal ïa ki dukan dieng jong kiba die jingdie ha shilynter ka surok ha Laitumkhrah ha ka step jong ka 17 tarik u Nailar 2026, ka Kong Ampareen Lyngdoh, MLA ka East Shillong Konstitwensi, ka la wan poi ha katei ka jaka.
Ka jingwan ka Kong Ampareen ka long ban peitngor ïa ka jingpynkynriah ïa ki nongdie madan, kan dei da ka lynti kaba jai-jai bad ka sienjam ba la shim da ka Sorkar kan long kaba jop lang sha baroh kiba don bynta.
Haba pyrshang ban buh jingkylli ïa ka Kong Ampareen, hynrei ka la shu ong ba ka ap ïa kane ka sngi bad pynpaw ba yn ym don ka jingduh jingkyrmen.
Ka MLA kam shym la treh ban kren ei-ei halor ka jingkylli ki nongthoh khubor, haba ïadei bad ki nongdie madan hadien ka jingshah pynkynriah ïa ki na katei ka jaka.
Ha kane ka step, la wan ban ïadon bynta lang da u P.K Boro, CEO ka Shillong Municipal Board (SMB), ki nongïalam shnong, ki seng longkmie bad kiwei-kiwei de.
