Jowai, Nailar 17
Ka Meghalaya State Skill Development Society (MSSDS) lyngba ka CM Skill Mission ha ka 17 tarik Nailar kala pynïaid ïa ka Recruitment Drive jong ka Phase-II na ka bynta ban ai kabu ïa ki samla ba kin ïoh jingïarap ha ka liang ka ïohkam ïohjam.
Ha kane ka Recruitment Drive kaba la pynlong ha Kiang Nangbah Government College, West Jaiñtia Hills District la wan ïashim bynta da ki spah ngut ki samla shynrang bad kynthei.
Ha kane ka Recruitment Drive, ki samla ki la sdang da ka jingpynrung kyrteng, bud sa ka jingïakren bad ki counsellor ban sngewthuh kham bha ïa ka jingthrang bad ka jingïadei jong ki bad ki kam kiba don.
Ïa kane Recruitment Drive yn bteng ban pynlong ha ki jaka bapher-bapher jong ka distrik. Ha ka 19 tarik Nailar yn pynlong ha Iooksi (Kyanmynsar) kaba hap hapoh ka Laskein C&RD Block.
