Shillong, Nailar 19
U Superintendent of Police (SP) ka East Khasi Hills District Bah Vivek Syiem u la pyntip ba ki don palat 31 tylli ki kali kiba la shah pynjulor bad kawei ka kali kaba la shah thang.
U la ïathuh ba ki nongïalam ka KSU ki la pan jingbit ban ïaid paidbah da ki thuk thuk kaba jaijai hynrei khlem poi pyrkhat ba ki la pynkheiñ ïa ki kyndon.
U la ong ba nalor ba shah pynjulor ïa ki kali ki don ki riew paidbah kiba la mynsaw haba ki ïaid ha lynti.
U la pyntip ba kine ki kali kiba la shah pynjulor ki kynthup ïa ki kali Sorkar, kali shimet bad kawei ka bos kaba kit ïa ki riew paidbah kiba donlang ki khyllung. Kumta u la ong ba ki pulit kin sa shim ïa ka sienjam kaba tyngeh ban leh ïa kito ki briew kiba donkti ban pynjulor ïa ki kali bad shoh ïa ki riew paidbah.
