Shillong, Nailar 19
Ki pulit ha ka miet sngi Balang ki la leit ban kem noh ia ki nongialam ka Khasi Student’s Union (KSU). Ka jingkem ia ki nongialam ka dei halor ka jingjia shah thang bad shah pynjulor kali kaba la jia ha ka janmiet ka sngi Balang.
Ki nongialam ka KSU kiba shah kem ki long u President samla Raymond Kharjana, Vice President bad General Secretary.
Ia kine ki nongialam ka KSU hadien ba la kem la kit noh sha thanad Sadar.
Hadien ba ka la don ka jingjia shah pynjulor jong ki kali ha ka por janmiet, ki pulit ha ka por mynmiet ki la hiar bad syrtap ha ki bynta ka surok Jaiaw hakhmat ka lad ban rung sha ophis KSU bad katkum ki durkhih, la iohi ba ki la rung shaduh jan ophis bad ha kaba ka la don ruh ka jingkawang tear gas, bad ruh ka jingiapynibor markylliang hapdeng ki pulit bad ki dkhot ka seng hakhmat jong ka ophis KSU.
