Shillong, Nailar 20
Ki runar ki bym lah ban ithuh ha ka miet shiteng synñia jong ka 20 tarik u Nailar 2026 ki la kawang petrol bom ïa ka ophis Veterinary kaba don ha shnong Mawlangwir, SWKHD.
Katkum ka tyllong khubor na u Bah B Jyrwa, Superintendent of Police ka SWKHD u la ong ba mar ïa ïoh jingtip, ki pulit jong ka Mawkyrwat ki la leit mar-mar sha katei ka jaka bad ki lap ba ka tnum jong ka ophis ka la shah kawang bom hynrei kam shym la ing ne don kino-kino jingjulor.
Shuh shuh la ïathuh ba katei ka jingjia la antad ba ka la jia ha ka miet jong ka 20 tarik u Nailar 2026 ha ka por kumba 1:00 baje eiei ha kaba kiba sah marjan ki la ïohsngew hynrei kim shym la ïohi ïa ki briew kiba leh ïa kane ka kam.
Ïa utei u petrol bom la lap da ki nongtrei ha ka por kumba 9:30 mynstep ha ka por ba ki wan trei.
Ka jingtohkit halor kane ka jingjia ka la ïaid shakhmat.
