Shillong, Nailar 20
Ki runar bym lah ban ithuh, ha ka miet sngi Palei ki la leit ban kawang petrol bom ïa ka Police Outpost ha Nongmensong.
Kane ka jingjia shah kawang petrol bom ka la jia hapdeng ka por 9 bad 9.30 mynmiet, la ong uwei na ki heh pulit haba pynthikna halor kane ka jingjia.
Ha kane ka jingjia, ym shym la don kano-kano ka jingmynsaw ne ka jingjulor kaba heh, hynrei ba malu mala.
Ha kaba ïadei bad kane, la register ïa ka case bad ka jingtohkit ka la ïaid shakhmat ban kem ïa ki briew kiba donkti.
