Shillong, Nailar 21
Kawei ka thuk-thuk kaba la pynïeng ha Malki Nongshiliang, Shillong ka la shah thang noh ha ka por 5:00 baje mynstep jong ka 21 tarik Nailar katba ka dang pynieng ha surok dewbilat.
Kane ka jingjia shah thang ki kali bad ki jingshah kawang petrol bom ki la jia ha kylleng ka Jylla ha kine ki khyndiat sngi hadien ka jingïaid paidbah ka KSU da ki arshaka ha ka 19 tarik Nailar.
Hadien ka jingshah kem noh ki lai ngut ki nongïalam ka KSU, la shah kawang petrol bom ka Nongmensong Police Outpost ha ka miet jong ka 20 tarik Nailar bad mynta ka sngi ka 21 tarik pat ha ka por 5:00 baje mynstep ki runar ki bym shym la ithuh durkhmat ki la thang ïa kawei ka thuk-thuk ha Nongshiliang, Malki.
Katkum ki khubor ba la ïoh lum kane ka thuk-thuk kadei jong uwei u pulit. Kumjuh ruh ki pulit ki dang pynlong ïa ka jingtohkit nangne shakhmat.
Hadien katto katne kynta ki pulit Laitumkhrah Police Station ki la wan tan noh.
