Shillong, Nailar 23
Ki kynhun nongniah kali kamai ka jylla mynta ka sngi u Blei ha ka por mynstep ki la mih biang khrui ha Umiam, Ri Bhoi District ha ka por mynstep ban bteng iaka jingkhang ban wan rung ki kali kamai ka jylla Assam sha Meghalaya da kaba pynphai biang iaki mar ia poi ha khrum jingkieng (overbridge) kaba don ha Ladumroi, katba ia ki kali shimet pat la ailad ba kin iaid khlem jingpynthud.
Ki kynhun kiba ieng ha Ladumroi ki long ka Khasi Meghalaya Tourist Taxi Association (AKMTTA) ka All Shillong Taxi Driver Association (ASTDA) ka Shillong Airport Taxsi Driver Association (SATDA) bad ka Khasi Hills Tourist Taxsi Association (KHTTA).
Kane ka jingbteng ka jongki nongniah kali ban bteng ia katei ka jingiakhih ka jongki kaba la poi sha ka sngi kaba saw mynta ka sngi, kadei halor ka jingbym shimkhia ka sorkar ban pynurlong iaki jingdawa ki jongki kiba la bun bun snem mynta bad ruh ka jingleh baheh, shah byrngem bad ka jingshah pynthud ha ki nongniah kali kamai ka jylla Assam kaba naka por sha ka por.
Ha kane ka sngi, la sakhi ruh iaka jingwan poi u majistor, ki bor pulit ha katei ka jaka ha kaba la mih ka jingia pynphai nia kylliang hapdeng ki nongialam jong ki nongniah kali kamai, ka nongialam ka CSWO Kong Christabell Wanniang.
Katba kitei ki kynhun ki dang pakhang ia ki kali kamai na Assam u symbud myntri rangbah ka jylla u bah Sniawbhalang Dhar uba peit ia ka tnad ka kit ka bah u la khot iakren sha Secretariat kaba la neh lai kynta.
Hadien ba ka jingiakren kine ki nongialam ki weng noh ia ka jingkhang ia ki kali Assam bad wan ban pyntip sha ki para dkhot ha ka por janmiet ha Ladumroi bad hangne hi ki la ia pra noh.
