Jowai, Nailar 24
Ka ïingbishar jong ka Kong P Syngkon Special Judge (POCSO), West Jaiñtia Hills District, Jowai ha ka 18 tarik Nailar kala rai pynrem ïa u Salwi Shadap halor ka kam batbor pyrshah ïa kawei ka khynnah rit ha u snem 2022.
Kane ka dei kaba la jia ha ka 15.01.2022, ha ka por kumba 12:30 mynsngi, ha kaba u Salwi Shadap u la rung ha ïing jong katei ka khynnah rit katba ka kmie jong ka, ka dang don shabar ban leit sha ka jingïalang.
Utei u Salwi Shadap u la leh mynleh pan umdih bad ha ka por ba kane ka khynnah kaba dang 13 snem kala rung sha kamra sum, u la khang ïa ka jingkhang bad u la leh beijot ïa ka bad kane ka khynnah kam shym la lah ban ïakhun pyrshah ïa u.
Kane ka jingjia kala paw ha ka 26.01.2022, ha kaba ka kmie jong ka, ka la lap ïa ki jain jong ka, kiba la bit snam tyrkhong.
Ïa kane ka Case la register ha thanad Nartiang katkum ka Case No. 6(1)2022 hapoh ki kyndon 3(a)/4 ka aiñ POCSO Act bad ïa ka jingtohkit bad pyngngat mukotduma la pyndep da ka WPSI I. Dkhar.
Ynda la dep ka jingbishar, ka ïingbishar kala rai pynrem ïa u Salwi Shadap da kaba set phatok 20 (Arphew snem) ryngkat bad ka kuna kaba T.10,000/- (Shi hajar tyngka) na ka bynta ka kam runar hapoh ka kyndon 3(a) bad kyndon 4(2) jong ka POCSO Act, 2019.
