Shillong, Nailar 25
Ka jingkynnoh u Conrad K Sangma, Myntri Rangbah ka Jylla, ba ka Executive Committee ha Khasi Hills Autonomous District Council (KHADC) ba lam khmat da ka Voice of the People Party (VPP), ka thmu ïaid lait na ki Dorbar Shnong, Dorbar Raid bad Dorbar Hima da kaba weng ïa ka Section 16 jong ka Principal Act lyngba ka Khasi Hills Autonomous District (KHAD) (Regu-lation and Adminis-tration of Land) (Amend-ment) Bill, 2026, u Bah Ardent Miller Basaïaw-moit, MLA na Nong-krem bad President ka VPP u la ong ba u Myntri Rangbah um tip ïa kaei kaba u kren.
Shuh shuh u Bah Ardent u la ong ba u Myntri Rangbah u shu pynphai jubor ïa ka jingkynnoh sha ka VPP haba ïakren bad kaei-kaei kaba la leh ryngkat ka jingtip u paidbah bad ka Dorbar.
U la pynshai ba ka Section 16 jong ka Land Management kaba ïadei bad ka aiñ jong ka District Council, kadei tang ka kyndon kaba buh ban long ryntih ïa ka jingheh jaka ba katno lah ban die (land ceiling ) da ki shnong ki raid.
U la ong ba ka jingthmu ka long ban pyntreikam ïa ka aiñ, namar ba ka kyndon ka buh ban don jingïasyllok bad ki nongïalam shnong hynrei ki nongïalam shnong kim wan sha khmat ban ïa buh ïa ka jingheh jong ka jaka, katno ba lah ban die ban aiwai.
