Shillong, Nailar 26
U Myntri Rangbah ka Jylla u Conrad K Sangma ha ka sngi Balang u la pyntip hapoh ka ïingdorbar thawaiñ ka jylla ba haduh ka 1 tarik Nailar, 2026 ki don haduh 2,742 tylli ki mobile tower hapoh ka jylla.
Haba jubab ïa ka jingkylli kaba la wanrah da u MLA Bah Gabriel Wahlang halor ki jingtei jong ka Artificial Intelligence, u Conrad u la ong ba ka jingdon jong ka tele-density jong ka jylla baroh kawei ka ïeng haduh ka 88.11 percent.
Da kaba sot ïa ka Indian Telecom Services Performance Indicator jong ka TRAI na ka bynta u Kyllalyngkot-Lber 2026 kaba la pynmih ha ka 22 tarik Jylliew, u la ong ba ka jingdon ki tele-density ha nongkyndong ka long 70.55 percent katba ka tele-density ha sor ka long 155.01 percent.
