Shillong, Nailar 27
Ka Jylla Meghalaya ka la sakhi ïa ka jingkiew ha ka liang jong ki briew kiba dei ki nongjngohkai pyrthei kiba wan sha kane ka Jylla, ha kaba palat 48 lak ngut ki la wan ïuhkjat ha kine ki lai snem, la pyntip ka Sorkar hapoh ka ïingdorbar thawaiñ ha ka sngi Palei.
Ha ka jubab ha ka jingthoh halor ka jingbuh jingkylli da u MLA ka NPP Bah Gavin Miguel Mylliem, u Myntri ka tnad ki Kam Jngohkai u Timothy D Shira u la ong ba ka Jylla ka la sakhi haduh 13.85 lak ngut ki nongjngohkai ha u snem 2023, 16.08 lak ha u snem 2024, bad 18.55 lak ha u snem 2025, bad baroh haba kheiñ lang ka long 48,49,622 ngut.
Ha kaba ïadei bad ka Meghalaya Homestay Mission jong u Myntri Rangbah, u Myntri u la ong ba la dep ban buh ïa ka Standard Operating Procedures bad ka por na ka bynta ban pynïaid shakhmat ïa ki aplikeshon ban pynthikna ban lah ban pyndep ha ka por kaba biang.
U la jubab ïa ka jingkylli halor ki sienjam ban pynkylla ïa ka kam jngohkai pyrthei bad ka jinglong jong ki aplikeshon kiba dang sahteng haduh ka 31 tarik u Naitung, 2026.
