Jowai, Nailar 28
Ki pulit ka Dawki ki la ïoh ban kurup ïa kawei ka thuk-thuk Royal Enfield Hunter kaba la shah tuh na Mihmyn-tdu bad la lap ïa ka ha kawei ka jaka khlaw hajan khappud.
Katkum ka jingïa-thuh ki Pulit, ïa kane ka thuk-thuk la tuh na Moomon, Lumphareng Mihmyntdu, ha ka por kumba 2 baje mynstep jong ka Sngi Palei.
Mar syn ïoh jingtip, ki pulit ka Dawki ki la buddien ïa katei ka thuk-thuk sha ka jaka khlaw Amlubon kaba don hajan khappud.
Ki briew kiba suba, ki la ïoh ban phet krad noh na katei ka jaka shuwa ba ki pulit kin ïoh ban kem ïa ki.
Ki pulit ki ïathuh ba ïa katei ka thuk-thuk kaba la ïoh kurup la aiti noh hadien sha u trai ba dei hok jong ka.
