Shillong, Nailar 30
U Myntri ka tnad Animal Husbandry & Veterinary, u Bah Sanbor Shullai haba ai jingkren hapoh Ïingdorbar ha ka Sngi Thohdieng u la ong ba ki don haduh 149 tylli ki longïing kiba la shah ktah na ka jingpang ‘African Swine Fever’ (ASF) ha ka Jylla ha kine ki 6 bnai ba la dep.
Haba jubab da ka jingthoh ïa ka jingkylli halor katei ka bynta, u Bah Shullai u la ïathuh ba ki don 1,834 tylli ki sniang kiba ïap na ka daw ka jingpang ASF ha ki 82 tylli ki jaka ba shah ktah bad ha kumba 20 tylli ki ‘Block’ ha baroh kawei ka Jylla ha katei ka por.
