Shillong, Nailur 03
Ki nongïalam ka Khasi Students’ Union (KSU) Shillong Mihngi Circle ha ka 03 tarik u Nailur 2026, ki la shah khot hajir ha Sadar Police Station, halor ka jingpyrshah ka seng ïa ka mandir batei beaiñ ha phyllaw ka ophis CBI.
Ki nongïalam kiba la shah khot hajir, ki kynthup ïa u Samla Celestine Lyngdoh, Assistant General Secretary, bad u Samuel Kharbani, General Secretary.
Hynrei ha ka jingwan hajir kitei ki ar ngut, la ïoh jingtip ba na ka liang ki pulit ki la kem noh syndon ïa kitei ki nongïalam halor ka daw ba mih huri-hura myn ha ka 19 tarik Nailar, 2026, ka sngi ba ïaid rally arshaka ba pynlong da ka KSU.
Ïa kine ki ar ngut ki nongïalam, ki bor pulit ka East Khasi Hills ki la rah noh sha Civil Hospital, Shillong, ban leh ïa ka medical check-up bad hadien kane, ki pulit ki la rah sa sha Iingkashari District and Session Court ban tian bishar.
Haba pyrshang ban ïakren bad kine ki nongïalam ki la ong, “Ngim tip na kaei kadaw ba ki la shah kem noh ha ki pulit, namar ki wan da kawei ka jingshah khot hajir, hynrei la shah kem pynban”.
Lah ban kdew ba ki pulit ki la dep kem ïa ki 4 ngut ki nongïalam ba hakhmat eh jong ka Khasi Students’ Union (KSU) mar shu jia ka jinghuri hura ba mih na ka jingïaid rally.
