Shillong, Nailur 06
Ha ka step phyrngap jong ka sngi U Blei kawei ka kali kaba don ïa u registration number ML05-T-4579 kaba la pynïeng harud surok ha shnong Pynthor ka la julor bad ingkhong khait na ki bynta ba sha khmat na ka daw jong ka jingshah wiang ding ha ki runar bym lah ban ithuh.
Katkum ka jingïathuh jong ki briew kiba sah marjan ki la ïathuh ba la lap nyngkong ïa katei ka jingjia da ki briew kiba ïaid lynti ha ka por kumba 3 baje tam eiei mynstep, katei kali ka dei kaba ju kit dud bad ka dei kaba ju pynïeng harud surok Pynthor ban kiew sha Shyiap.
Ki pulit na Pastures Beat House Polo ha ka step sngi U Blei ha ka por kumba 10 baje eiei ki la poi sha katei ka jaka ban pynlong ïa ka jingtohkit bad ban lap ksai ïa ki runar kiba donkti ban leh ïa kane ka kam.
Ha kawei pat ka jingjia, ha ka miet jong ka 5 tarik Nailur 2026 ha ka por kumba 11 baje tam eiei ka la don ka jingjia thang ‘tyre’ kali ha Motphran.
Katkum ka jingong jong kiba sakhi ïa kane ka jingjia, la ong ba ïa kane ka kam la leh da ki briew kiba ym lah ban ithuh durkhmat namar ba ki la kah dur khmat ïalade.
Ha kaba ïadei kane ka jingjia ki pulit ka thanad Lumdiengjri mar ïa ïoh jingtip ki la poi sha katei ka jaka ban pynlong ïa ka jingtohkit bniah bad leh ïa kaba donkam.
