Shillong, Nailur 06
Ka nongbah Shillong kan sa mad ïa ka jingdheng kali kaba shipor ha ka 7 bad 8 tarik u Nailur ha kaba ïadei bad ka jingwan jngoh jong u Vice President ka Ri India.
Ha ka kyrwoh ba la pyllait mynta ka sngi, u SP ka tnad Traffic (East Khasi Hills), u Dr. Hari Prasanth MR u la ong ba ïa ka jingïaid jong ki VVIP ‘Convoy’ yn pynbeit ha shi lynter ka surok naduh Umïam shaduh Police Bazaar.
Kumban shu kdew hangne, ka ïaid ka ïeng ki kali ka lah ban suki ha kine ki lynti: Umïam – Mawlai Mawïong – Golfinks – Lad CRPF – Polo – 4th Furlong – IGP – Kachari – Police Bazaar.
La kyntu kumta ïa ki nongleit-nongwan ba kin buh jingmut lypa, ai por shuh-shuh bad ban ai ka jingïatreilang bad ki pulit pynïaid kali ban lait na ka jingkhapngiah.
Ïa ki ‘Emergency Service’ ba kynthup ïa ki kali kit nongpang bad ki kali pynlip ding, yn pyllait bad ai lad ha katei ka por, la ong ki pulit.
Na ka liang u SP, u la kyrpad ïa ki paidbah ba kin ym sngew eiei haba ïadei bad katei ka bynta.
Kane kan treikam naduh ka por 1:30 mynsngi haduh 6:00 baje janmiet.
