Shillong, Nailur 08
U Lat ka Jylla Meghalaya u CH Vijayashankar u la bthah ïa ka Sorkar Jylla ba kan eksamin ne ban bishar biang haba ïadei ïa ka jingdawa weng ïa u Advocate General Amit Kumar.
Ha ka jingpyntip sha u Secretary, ka Secretariat jong u Lat ka Jylla ka la ong ba ka kynhun ba ïatreilang jong ka Meghalaya High Court Bar Association bad ka Shillong Bar Association ki la ïakynduh ïa u Lat ka Jylla ha Lok Bhavan ha ka 29 tarik u Nailar bad ki la ai ïa ka jingai jingmut ban kyrpad ïa u ban tuklar na ka bynta ban weng noh ïa u Amit Kumar uba dei u Advocate General.
“U Lat u la kwah ba ka Sorkar Jylla kan bishar bniah ïa ki mat ba la pynpaw ba la dawa da ki ar kynhun katkum ka jingdonkam bad ban ïasam ïa kajuh bad kane ka Secretariat na ka bynta ka jingpeit bniah jong u Lat,” la ong u Additional Secretary jong u Lat ka Jylla u HC Chaudhary ha ka shithi ba u thoh.
