Shillong, Nailur 08
Ka ïingbishar Special Judge (POCSO) ka East Jaiñtia Hills, kala hukum ban set phatok shirta jingim ïa u briew uba leh be-ijot ïa ka khynnah.
Une u runar u kyrteng u Shap Lamurong, ong u Superintendent of Police ka East Jaiñtia Hills ha ka kyrwoh bala pynlait ha ka sngi Ba-ar.
U ïathuh ba ïa une u runar la register case ha Khliehriat Women PS katkum ka Case No. 3(02)2024 hapoh ki kyndon ka POCSO Act. Ïa ka jingtohkit la khlieh da ka WPSI L Siangshai.
Hadien ka jingtohkit, ïa une u runar la kem bad la aiti ïa ka charge-sheet ha ka 12 tarik Ïaïong, 2024.
Ka ïingbishar kala shem ba u leh ïa kane ka kam kaba hap hapoh ka kyndon 5(j)/5(m)/5(n)/6/9(n)/10 jong ka POCSO Act bad hukum ban set phatok shirta jingim lem bad ka kuna ba T.50,000 nalor ka shong phatok sa 7 snem bad ka kuna ba T.25,000.
Ïa kane ka hukum la pynmih ha ka 24 tarik Nailar, 2026.
