Shillong, Nailur 09
Ka Jylla kala pyntip sha ka ïingbishar Meghalaya High Court ba ka Directorate of Forensic Sciences, Shillong kala pynsangeh ïa ka jingleh DNA test namar ka jingduna ki dawai test.
Ïa kane la pyntip hakhmat ka ïingbishar division bench ka Chief Justice Revati Mohite Dere bad Justice W Diengdoh haba shong bishar ïa ka PIL ha ka sngi Ba-ar.
Ka ïingbishar ha ka 11 tarik Nailar kala bthah ïa u Advocate General ban pan ïa ki jingbthah la ki dawai ba donkam ban leh DNA test la pynpoi ne em sha ka FSL hadien ba pyntip ba ïa ka jingleh test la pynsangeh namar ka jingsahteng ka jingtyrwa ban phah wanrah dawai ha ka Sorkar Jylla.
Ha ka sngi Nyngkong, u AAG ND Chullai ba la ïarap lang bad u GA R Colney, kila wanrah ïa ka short notice ba khot quotation ban supply ïa ki tiar bad ki dawai na ka bynta ka DNA Unit.
Ïa kane ka quotation la dei ban pdiang bad plie ha ka 9 tarik Nailur.
U Bah Chullai u la pyntip ruh ba ka kam maramot hapoh ka Directorate ka dang ïaid shakhmat bad yn sa pyndep ïa ka hashuwa ban kut u bnai, bad pan por ruh saw taiew.
Ka ïingbishar kala ai ïa ka por bad buh ban bishar biang ïa ka mukotduma ha ka 12 tarik Risaw.
Kala bthah ruh ïa u Amicus Curiae K Ch Gautam ba un leit jurip ïa ka ophis ka FSL bad aiti ïa ka kaiphod ha ka sien shong bishar ban wan.
