Shillong, Nailur 11
Ka Khasi Authors’ Society (KAS) ha ka 11 tarik u Nailur 2026, ka la rakhe ïa ka sngi ka thoh ka pule, ka lyngkhuh dap snem ba 47 jong ka, bad ruh la pynlong ïa ka lympung ïamir jingtip halor ka phang “Ka mynnor, ka Mynta bad ka lawei u Khasi”, kaba la pynlong ha Umshyrpi College, Shillong.
Ha kane ka sngi, la donlang u Dr. DRL Nonglait, President ka Khasi Authors’ Society, Dr. KD Ramsiej, Vice President KAS, Kong Camelia Doreen Lyngwa, Director, Department of Arts & Culture ka Sorkar Jylla, kaba long kum ka Symbud Kongsan, ki nonghikai, ki samla pule bad kiwei-kiwei de.
Ban pynphuh pynphieng ïa ka prokram, la ïoh ka jingrwai na ki samla pule ka Umshyrpi College.
Ha kane ka prokram, la pynlong ruh ïa ka jingsam khusnam sha ki 14 ngut ki samla pule ba ïoh heh duh ki mark ha ka sobjek Khasi.
Ban pynriewspah shuh shuh ïa ka ktien Khasi la pyllait ruh ïa katto katne ki kot pule, ba la thoh da ki Khasi.
La ïoh ka jingkren na ka Kong Camelia Doreen Lyngwa, Symbud Kongsan ha kaba ka la pynkynmaw ba la seng ïa kane ka KAS naduh u snem 1979, da kaba bynrap ba ngi dei ban tip ïa ka thymmei bad ka ktien lajong.
Ka la ong ruh ba ka kwah ba ka KAS kan don ïa ka ophis treikam jong ka, da kaba pynthikna, ba la kumno kumno kane ka seng kan sa ïoh ban rakhe ha ka ophis treikam jong ka.
