Shillong, Nailur 13
Ka Jaiñtia Hills Autonomous District Council (JHADC) ka la ai bor ïa ka dong Pynthor Barato kaba hap ha West Jaiñtia Hills District kum ka shnong ba pura hadien ba kane ka dong ka la bun ki nongshong shnong bad ki longïing.
Kumta ha ka 12 tarik mynta u bnai la wan plie ïa u mot sah jingkynmaw kane ka shnong ba thymmai ka Pynthor Barato da u MDC ka JHADC u Bah A Shadap ha ka jingïadonlang u Waheh Shnong Barato Bah S Lamare uba la pynkhamti ïa u Hynruki Dkhar kum u Waheh Shnong ba thymmai ka shnong Pynthor Barato ha ka jingïadonlang u Pastor GS Lytan uba la pyllait ïa ka shap (Logo) bad kiwei de.
Haba pule ïa ka khana jong ka shnong Pynthor Barator, da u Secretary shnong Pynthor Barator u Bah H Dkhar u la ïathuh ba ïa kane ka shnong la wan shong shnong da ka Tron Shadap ha u snem 1986 haduh mynta ka jingdon ki ïing ki la poi 177 ïing bad 945 ngut ki nongshong shnong.
Ha u snem 2013 ka shnong Barator ka la ai bor ban don la u Waheh Dong bad ha ka jingïaid lynti ki riew rangbah jong kane ka dong ki la kwah ban ïoh noh la ka jong ka dorbar shnong bad ha ka 18 tarik Nailar 2026 ka JHADC ka la ithuh ïa ka Pynthor Barator kum ka shnong ba pura da ka jingïarap u Doloi Elaka Myntang.
