Shillong, Nailur 14
Ka Meghalaya Board of School Education (MB OSE) ka la pyllait ïa ki tarik na ka bynta ban pynlong ïa ka eksamin Secondary School Lea-ving Certificate (SSLC) jong u snem 2026-27.
Ïa ka eksamin yn pynlong naduh ka 4 tarik u Nohprah haduh ka 16 tarik u Nohprah naduh ka por 10 baje mynstep haduh ka por 1 baje mynsngi, la pyntip u Director bad Controller of Examinations ka MBOSE, u Bah T.R. Laloo.
Katkum ka prokram ba la pynmih na Tura, ka eksamin kan sdang da ka ‘English’ ha ka 4 tarik u Nohprah, bud sa ka ‘Science and Technology’ ha ka 7 tarik u Nohprah, ‘Indian Languages’ /’Addi -tional English’ ha ka 9 tarik u Nohprah, ka ‘Health & Physical Education’/’Computer Science’/’Vocational Subject’ ha ka 11 tarik u Nohprah, ka ‘Social Science’ ha ka 14 tarik u Nohprah bad ‘Mathema-tics’ /’Special Mathema-tics’ ha ka 16 tarik u Nohprah.
Ki ‘Indian Language Option’ ki kynthup ïa ka ktien Garo, Khasi, Hindi, Bengali, Assamese, Nepali, Urdu bad Mizo. Ki sobjek ‘Vocational’ ki kynthup ïa ka ‘Beauty and Wellness’, ‘Tourism’, ‘Health Care’, ‘Electronics’, ‘Agriculture’, ‘ITES’, ‘Apparels’, ‘Plumbing’, ‘Food Processing’, ‘Telecom’, ‘Banking’ bad ‘Automobile’. Ka Board ka la ong ba ki jaka thoh eksam kin plie ha ka por 9:30 baje mynstep, bad yn sam ïa ki jingkylli ha ka por 9:45 baje mynstep katba ïa ki kot thoh jubab ha ka por 9:50 baje mynstep. Ka jingthoh ïa ka eksamin kan sdang ha ka por 10 baje mynstep.
Ka ‘Theory Paper’ na ka bynta ki sobjek ‘Vocational’ kan long shi kynta, kata naduh ka por 10 baje mynstep haduh ka por 11 baje mynstep.
Na ka liang ka MBOSE ka la ong ba ka jingpynbeit ka lah ban kylla lada jia ba don ki jingjia ki bym lah ban khmih lynti ne ki jingpynbna kiba heh na ka Sorkar Jylla ne ka Sorkar Pdeng.
