Jowai, Nailur 15
Ka kynhun jong ki briew napoh Assam kila hiar sha ka shnong Mukroh, West Jaiñtia Hills District da ka jingthmu ban leh ïa ka Census.
Haba ïakren bad u Secretary Shnong Ma Precious Sten u la ïathuh ba katei ka jingwan jong ki briew ka Assam ka dei ha ka sngi U Blei.
U la ïathuh ba katei ka kynhun jong ka Assam kala kylli ïa ki nongshong shnong Mukroh halor ka Census bad ki nongshong shnong, kila jubab ba kila dep ban leh sha Meghalaya namar ba kane ka shnong ka hap hapoh u pud u sam jong ka Jylla Meghalaya ym sha Assam ne West Karbi Anglong.
Hadien kane, u la ong ba katei ka kynhun jong ki briew napoh Assam kala leit phai noh da kaba suk ba saiñ khlem kano-kano ka jingpynphai ktien ne nia.
Shuh shuh ka khubor kaba ïohlum ka ïathuh ba kane ka juh ka kynhun na Assam kala leit ruh sha ka shnong Moojem, Mooliber bad kila ïoh kajuh ka jubab na ki nongshong shnong ba kila dep leh napoh Meghalaya.
