Shillong, Nailur 15
Ka Voice of the People Party (VPP) State Youth Wing, ha ka jingbuddien halor ka mat kaba ïadei bad ka jingslem thung kam ha Meghalaya Prison kaba la ïaid mynta la kumba hynñiew snem tam ei-ei, ha ka 15 tarik Nailur, 2026, ka la leit ban kynduh ïa u Bah R. Rapthap, Commissioner & Secretary ka tnad Prison ban ïakren halor kane ka kam.
Haba kren sha ki lad pathai khubor, na ka liang u Bah Marbud Dkhar, u la ong ba na ka liang u Commissioner & Secretary ruh u la pynpaw ïa kajuh ka daw, kata ba don ka jingthut ha ka ‘technical’.
U la ong ba um lah ban pdiang ïa kane ka daw, da kaba pynshai ba u la lap ïa shibun ki jyrsieh bad jingbamsap ha katei ka tnad thungkam thungjam.
Nalor kata, u la ong ruh ba ka long kaba lyngngoh ba ar ngut ki Hawaldar kiba dang pyndep tang ïa ka matric ki kiew kyrdan ban long kum ki Deputy Superintendent katba kiwei pat kiba la biang ka pule puthi, kim ïoh satia.
Nalor kane, ka VPP SYW ka la dawa ruh ba la dei ban weng kam noh ïa u IG, namar um pat long biang pura ban don ha ka kam.
Kumta u Bah Marbud u la ong ba ka VPP hi kan dangïai buddien halor kane ka jingslem ban pyllait ïa ki jingdonkam jong ka thungkam hapoh ka tnad Prison, kaba la ïaid mynta la hynñiew snem eiei.
