Nongpoh, Nailur 17
Ha kawei ka jingjia kaba la jia ha ka step sngi Palei, kawei ka karkhana kaba don ha 13 Mer Byrnihat kala kem ding kynsan kaba la pur ruh sha ka dukan die tiar kali bad kawei ka ïing kaba don marjan kat haduh ba ki jingdon jingem kila ingkhong khait.
Kumba la ïoh jingtip, katei ka jingjia ka dei ha ka por kumba 10 baje eiei, katba ki nongtrei katei ka karkhana ki dang leit ban lehniam ‘Puja Nar’ bad ka jingkem ding kynsan la suba ba ka lah ban dei na ka jingthut ka bording ilektrik hapoh katei ka karkhana.
La ïoh jingtip ruh ha kane ka jingjia, ka ding kaba la klang na katei ka karkhana ka la ïoh ban pur ruh sha ka dukan bad kawei ka ïing kaba don marjan bad lyngba ka jingwanpoi ki pulit pynlip ding na ka Meghalaya bad Assam, la lah ban pynlip noh ïa ka ding hashwa ba kan pur pat sa sha ka petrol pump kaba don marjan.
Shuh shuh, la ïoh jingtip ruh ha kane ka jingjia, ym shym la don satia kano-kano ka jingjia ba sngewsih.
