Shillong, Nailur 17
Ka jingshah kawang petrol bom jong ki thanad bad ka jingshah thang ki kali Sorkar ka dang bteng haduh kine ki sngi ba mynta.
Ïa kane la lah ban sakhi ba ha ka ka step phyrngap jong ka 17 tarik u Nailur 2026, ha ka por kumba 3:55 mynstep, ki runar ki la thang ïa ka Police Booth ha Nongmensong.
La ïoh jingtip ruh ba ki runar ki la thang ïa kawei ka kali Bolero ha phyllaw ka Directorate of Health Services (DHS) ha Laitumkhrah, kaba don ïa u registration number ML01-7702 ha ka por 3:10 mynstep.
Ki kali pynlip ding ki la leit mar-mar sha katei ka jaka bad ki la lah ban pynlip kloi ïa ka ding.
Shuwa kane, ki runar ki la leit ban kawang petrol bom ha thanad Lumdiengjri hynnin ka miet ha ka por 10 duna eiei.
Ki pulit kila register case halor kine ki jingjia bad ka jingtohkit mynta ka la ïaid shakhmat, ban lapdien ïa ki runar kiba donkti ha katei ka kam.
