Shillong, Nailur 22
Ha ka step phyrngap jong ka 22 tarik u Nailur 2026, ka la jia ka jingïatyngkhuh kali ha Upper Shillong, Hynñiew Mer, kaba dei hajan ka Air Force kaba la jia ha ka por 1:30 mynstep phyrngap.
Ha kane ka jingjia uwei u Samla ba 25 snem ka rta uba na ka shnong Nongkynrih, ïa uba la tip u Emarson Nongsteng, u la mynsaw jur, katba u wei pat, ïa uba la tip kyrteng u Shailang Sawkmie, ba 30 snem ka rta na Mairang, u la khlad noh hashen, namar ka jingïa tyngkhuh kali kaba la jur bha haduh katta-katta.
Katkum ka jingïoh lum khubor na Police Booth Civil, Hospital, Shillong, la ïathuh ba kine ki arngut kiba shong ha ka kali Maruti 800, kaba don ïa u registration number ML 05 2094, ka la shah tynrah ha kawei ka trok kaba ym lah ban ithuh bad kane ka trok ka la phet krad noh.
La ïohi ruh ba ka kali Maruti 800 ka la pra phum na ki bynta na khmat, kat haduh ba uwei u la khlad noh hashen bad uwei ula mynsaw jur.
Ïa kine ki arngut la pynkit da ka kali 108 sha Civil Hospital, Shillong.
Katkum ka tyllong khubor ba la ïoh lum, kane ka Maruti 800 ka la ïaid ‘wrong side’ bad la shah tynrah ha ka trok, hynrei katei ka trok ka la phet krad noh na katei ka jaka.
Na ka liang ki bahaïing ki khlem ai leh Post Mortem bad ki la wan shimti noh ïa ka met jong u Shailang na Civil hospital.
