Shillong, Nailur 22
Ka jingjyllei ki kam tuh kham thiem, ha Nongbah Shillong ka la jur bha katba dangmih ki sngi ki por, ha kaba ki briew kim salia shuh ban tuh wat ha ka jaka ba bun briew ruh.
Ïa kane ngi lah ban sakhi, ha ka step jong ka 22 tarik u Nailur 2026, kawei ka longkmie ka la shah pajut soh shkor ha ki nongtuh, kat haduh ba ki shkor katei ka longkmie ki la kad baroh ar liang.
Katkum ka jingïoh jingtip, la ïathuh ba kane ka jingjia ka la jia hajan ka Civil Hospital Shillong, ha kaba ki riew paidbah kiba ïarap ïa katei ka longkmie, ki la ïoh bat noh ïa uwei na ki nongtuh, katba uwei pat u la lait phet.
Katkum ka durkhih la ïohi ba ki paidbah ki la ïa bat ïa uwei u nongtuh ha kaba ki la pyrta ba “shaei uwei u jah”, kaba la pynsuba ba ki nongpajut soh shkor ki don ar ngut.
La ïohi ruh ba ka snam ka la lyngkien bha, namar ba baroh ar tylli shkor jong katei ka longkmie ki la kad, na ka jingshah pajut jubor ha ki nongtuh.
