Jowai, Nailur 23
Ha ka miet 22 tarik Nailur u Manbha Mangu uba shong sah wai ha Mookyrdup, Jowai u la mudui sha ki pulit ka thanad Jowai halor ka jingshah tuh ka thuk thuk Royal Enfield kaba don ïa u registration number 25BH 3254 B.
Halor kane ka jingmudui, ki pulit ki la pyntip sha kylleng ki thanad ha West Jaiñtia Hills ban long kiba peitngor.
Dei ha ka step 23 tarik ha ka por kumba 7:00 baje eiei, ka kynhun pulit ka Muktapur PP ba la ïalam da u In-charge SI Merkel Rymbai ka la lap ïa kane ka thuk thuk ba ka ïaid sha liang Amlarem sha Muktapur.
Ki pulit kila pyntip ba mar ïa ïohi ïa ka kynhun pulit, u nongñiah u la iehnoh ïa ka thuk thuk bad phet krad.
Ki pulit kila shimti noh ïa kane ka thuk thuk bad ki la pynlong ruh ka jingthwet ban kem ïa u briew ba donkti ha kane ka kam tuh.
