Shillong, Nailur 24
Ka ïingbishar Special Judge (NDPS) ka East Khasi Hills jong ka Kong E. Shabong hadien ba ka la rai pynrem ïa ki lai ngut ha ka kam khaïi drok u snem 2024, kala hukum ban set phatok 4 snem ïa ki lai ngut ki nongkhaïi drok.
Kine ki lai ngut ki dei u Dinald Syndor, Kitboklang Thawbri bad u Ryngkatlang Kharbuli. Ïa ka hukum la pynmih ha ka 15 tarik Nailur ba ïadei bad ka case Crl.(NDPS)20/2024, kaba mih na ka thanad Mawlai Case No. 16(02)2024.
Ka ïingbishar kala pynjari ruh ïa ka kuna ba mar T.40,000 ïa kine ki runar hapoh ka kyndon 21(b)/27(a)/29 jong ka NDPS Act.
Lada kim lah siew, kin hap ban shong phatok sa lai bnai kum ka jingpynsajia.
Ïa ka jingtohkit la khlieh da u SI Iaishah Ksoo uba don mynta ha West Jaiñtia Hills.
Ïa kane la pyntip da u Superintendent of Police (Traffic) ka East Khasi Hills, Dr. Hari Prasanth MR ha ka kyrwoh ba pyllait ha ka sngi Palei.
