Shillong, Nailur 25
U nongïalam ka BJP bad u Myntri ka Sorkar Jylla, u Bah Sanbor Shullai ha ka sngi Thohdieng u la ong ba un leit ruh wat haduh kamra thiah jong u Narendra Modi, Myntri Rangbah duh ka ri, ban ïada ïa ki khristan.
Haba kynthoh ïa ki jingkynnoh, ba mano ban ïada ïa ki khristan lada don ha ka BJP, na ka liang u Bah Sanbor u ong “Kane kadei ka jingkynnoh ba mano ban ïada ïa ki khristan, u Bah Sanbor uba don ha ka BJP”.
“Ma nga hi ngan ïada ïa ki, ngan lei twat sha ka kamra thiah u Modi lada don kum kitei ki jingkynnoh” u la ong.
U la ong ruh ba kine ki jingkynnoh, kidei ki bym don nongrim satia. “Kadei tang ka jingkynnoh ba khlem nongrim, peit ïa ka nuksa na ka konstitwensi jong nga,” u la bynrap biang.
