Shillong, Nailur 25
Hadien ba ki la trei shitom baroh shisnem, ka don ruh kawei ka sngi kaba la mang kum ka sngi kaba kyrpang jong ki Pharmacist kaba la tip kum ka World Pharmacist Day, kaba ju dei ha ka 25 tarik u Nailur man la ka snem bad mynta ka snem 2026 ruh la sakhi ïa kane ka jingrakhe ha ka jingïalang kaba la long ha hall jong ka Bharat Scout and Guides, Shillong.
Ha kane ka sngi, nalor ki dkhot jong ka Meghalaya Government Pharmacist Association bad kiwei, la ïadon ryngkat ruh u Myntri Sorkar, u Bah Sanbor Shullai, kum u Kongsan, u President jong ka Pharmacist Council of India u Dr. Montu Kumar M. Patel, kum u Symbud Kngsan, ka Director jong ka tnad Directorate of Health Service (MI) Dr. N Kharsahnoh bad la ïoh ïa kyntieng lamphrang halor kane ka jingrakhe na u Principal jong ka Girijananda Chowdhury Institute of Pharmaceutical Science (GIPS), u Dr. Damiki Laloo.
Ka phang pdeng jong kane ka jingrakhe mynta ka snem,kadei kaba la buh ha ka ktieng nongwei kaba ong ”Empowering Pharmacists for a Healthier Future”.
Haba ai jingkren ha kane ka sngi ki nongkren ki la ong ba ka jingdon ki pharmacist ka long shisha ka jingïarap na ka bynta ka jingdon kam ki paidbah nongshong shnong.
Da kaba kyntu ba kin sngewbha ban dangïai ai ka jingshakri na ka bynta ban ai jingïarap sha ki paidbah.
