Nongstoiñ, Nailur 29
Ka Deputy Commissioner (Excise), West Khasi Hills District ka Hema Nayak, IAS, ka la pynbna ïa ka 2 tarik Risaw, 2026 kum ka “Sngi Tyrkhong Kyiad” ha baroh kawei ka West Khasi Hills District, namar ka jingrakhe ïa ka Gandhi Jayanti.
Katkum kane ka hukum, baroh ki dukan kyiad, ki dukan IMFL, ki canteen bad ki bonded warehouse hapoh ka District kin hap ban khang ha katei ka sngi.
Ka jingpynkheiñ ïa kane ka hukum kan khring ïa ka jingshah pynshitom katkum ki Excise Acts bad Rules kiba treikam.
Ha kawei pat ka khubor, ki bor District ka East Khasi Hills ruh ki la pynbna ïa ka 2 tarik Risaw 2026, kum ka sngi tyrkhong kyiad ha baroh kawei ka District, kaba dei ka sngi rakhe ïa ka sngi kha u Mahatma Gandhi.
Ïa kane ka hukum la pynmih da u Deputy Commissioner (Excise), East Khasi Hills District. Hapoh katei ka hukum, baroh ki bonded warehouses, IMFL shops, ‘OFF’ and ‘ON’ shops, ki jaka shna wine, ki Bar, ki jaka pynpoi kyiad ha ïing bad ki Canteen ki dei ban khang lut.
Ka jingpyrkhing kan treikam ha baroh kawei ka East Khasi Hills District.
