Khliehriat, Nailur 29
Uwei u briew u la khlad noh hashen na ka jingsuba shah bat bording hadien ba u waiar bording 11kV u la dkut bad hap halor ka kali Maruti Eeco kaba u shong.
Kane ka jingjia kala jia ha ka 28 tarik Nailur ha ka por kumba 7 shiteng mynmiet ha surok bah NH-6 ha ka shnong Pyrtakuna, hajan ka shnong Umkiang ha East Jaiñtia Hills District.
Kane ka kali Maruti Eeco ka dei kaba don ïa u registration number AS01-TC-6015, ka thmu ban hiar sha ka thaiñ Kalain, Assam.
Ka khubor kaba ïoh lum, la suba ba u waiar bording u la hap halor ka kali kaba shong da ki lai ngut ki briew bad ka kali kala kem ding bad ingkhong khait.
Ki trai shnong ki lap ïa une u briew ba u thiah lyngktar shabar jong ka kali na ka liang kadiang, katba ki arngut kila lait im na kane ka jingjia.
