Shillong, Nailur 30
Ki runar ki bym lah ban ithuh ki la rung jubor hapoh ka kamra treikam jong u Deputy Chief Executive Member bad ban dawa pisa ryngkat ka jingbyrngem byrsit.
Katkum ka khubor kaba la ïoh lum na ki pulit la ong ba ka thanad ha Tura ka la ïoh pdiang ïa ka ejahar (FIR) na u Stevie M. Marak uba dei u Deputy Chief Execu-tive Member jong ka Garo Hills Autonomous District Council (GHA DC), ha kaba u la kynnoh ba ha ka 24 tarik Nailur, 2026 ha ka por kumba 10:30 mynmiet, ki briew bym lah ban ithuh ki la rung jubor ha ka kamra treikam ka jong u, kaba don ha Hawakhana, Tura bad ban dawa pisa.
La ong ruh ba nalor ba ki la dawa pisa, kine ki briew ki la byrngem ruh ïa u ban leh da kaba tyngeh lada um lah ban kohnguh ïa ka jingdawa ka jong ki.
Ha kaba ïadei bad kane ka jingjia shah dawa pisa, la ong ba na ka liang jong ki pulit ki la pynlong ïa ka jingtohkit ban lap ïa ki jingshisha baroh bad ruh ban thwet ïa ki briew kiba donkti ha kane ka kam.
