Shillong, Risaw 01
U Bah Paul Lyngdoh uba dei u MLA ka UDP na West Shillong Constituency u la ong ba ym donkam shuh ban dawa hynrei ka tnad ka la dei ban pynshitom ïa kito kiba lum pisa be-aiñ ïa ki trok.
Kane ka jingpynpaw u Bah Paul haba ïakren bad ki nongthoh khubor hadien ba la mih ha ki rynsan paidbah ba leit khynra ka Khasi Students’ Union ïa ka jaka lum pisa be-aiñ ha Mawkhana bad Thangshalai kaba hap ha East Khasi Hills District.
“Ngam kwah ban kynthoh palat namar ngam pat da tip bha namar nga shu ïohi tang ha ki lad pathai khubor ïa ka jingleit khynra ki nongïalam ka KSU ïa ka jaka lum pisa be-aiñ, hynrei kino-kino kiba leh be-aiñ kiba pyntroiñ ïa ki paidbah dei ban pynshitom beit” u la ong.
Halor ka jingdawa ka KSU ban weng ïa u Deputy Commissioner bad Superintendent of Police ka East Khasi Hills, u Bah Paul ula ong ba ka jingtohkit ka dang ïaid bad kino-kino kiba donkti dei ban pynshitom.
