Shillong, Risaw 01
Ka Voice of the People Party (VPP) State Youth Wing ha ka jingïalam u Bah Khrawpyrkhat Mynsong, Executive Member, ha ka 01 tarik u Risaw, 2026, ka la leit ban ïakren bad ki bor ba dei peit jong ka Meghalayan Medical Drugs & Services Ltd, haba ïadei bad ki jingujor kiba ïohpdiang halor ki dawai kiba la phuh tit.
U Bah Khrawpyr-khat haba kren sha ki lad pathai khubor, u la ong ba lada kum kine ki dawai kiba la sop khñiang ki poi sha ki nongshong shnong, kan buh shuh shuh ka jingma namar la sngewthuh lypa ba kiba wan shim dawai na ki Centre, kidei na ki longïing kiba duna ka ïoh ka kot.
U la ong ba ka jingsam ïa kine ki dawai, ka lah ban wanrah ka jingma ïa kiba dih bad tang namar ba u dei u dawai Sorkar, kam mut ban shim beit.
U la ong ruh ba bun napdeng kine ki dawai, kidei kiba la pei ha ka rukom song bad kumta u la dawa ba dei ban pynphai biang ïa kine ki dawai kiba la sam sha man la ki jaka sumar Sorkar.
Nalorkata, u la kyntu ruh ïa ka Sorkar ban shimkhia halor kane, namar la ïoh jingtip ba ki tiar ban test kim don satia.
