Shillong Risaw 01
Ka Shillong Commerce College ha ka 1 tarik Risaw 2026 ka la rakhe ïa ka National Voluntary Blood Donation Day halor ka phang pdeng, “One Drop of Humanity. Give Blood. Save Lives’’, da kaba pynlong ïa ka jingaisnam hapoh ka kolej.
Ïa kane ka prokram la pynlong da ka Regional Blood Centre, Pasteur Institute, Shillong, da ka jingïatreilang bad ka Meghalaya Aids Control Society (MACS), bad ka jingkyrshan ka social service wings jong ka kolej ba kynthup ïa ka National Service Scheme (NSS), Red Ribbon Club bad National Cadet Corps (NCC).Ka Dr. Barilin Passah kaba dei ka Transfusion Medicine Specialist bad Medical Health Officer jong ka Regional Blood Centre (RBC) hapoh ka Pasteur Institute ha Shillong, ka la kren halor kumno ba ka jingsam snam ei ka long kaba donkam na ka bynta ban pyllait im ïa ki mynsiem briew kiba shaniah ha ki briew kiba synñiang snam.
La ai jinghikai ruh ïa ki khynnah skul na ka bynta ki jingmyntoi ha ka koit ka khiah lada ai snam man ka por.Hadien ka jingpeit bniah bha shwa ïa ka koit ka khiah, ki 17 ngut ki samla pule bad lai ngut ki nonghikai jong ka kolej ki la ïoh ban synñiang snam.Ïa baroh 20 ngut ki nongsynñiang snam la pynbiang da ki jingbam jingdih bad la ai da ki syrnod kum ka jingai khublei ïa ki da ka Medical Team. Ki nongpynïaid ka kolej ki la ai khublei ruh ïa ki doktor, ki paramedics bad ki samla pule ba ki la lah ban pynlong ïa kane ka programme kaba jop.
