Shillong, Risaw 02
Ka Federation of Khasi Jaiñtia and Garo People (FKJGP), South East Khasi Border Circle ha ka jingïalam u Bah Kyrmen Shangdiar, President, ka la hiar ban jurip ïa ka JNV Mawsynram, namar ka jingïai pynslem ban pynkynriah sha ki jingtei kiba thymmai naduh ka jaka hikai, jaka sah ki khynnah bad ruh ki nongtrei katei ka skul. Ka jingpynlong ban jurip, ka long halor ka jingpynkheiñ jong ka CPWD ïa ka kular ba kin phah pynkloi ban trei dep bad la kular mynshem snem 2025, ha ka jingïakynduh ban pynkloi bad ban rah noh, ha lane shuwa u bnai Jymmang (May), pynban la ïohsngew ba ki khlem pat lah ban pynkynriah na kidaw jong ka jingsuki ka kam ban pyndep.
Ha kane ka jingjurip la lap ruh ïa ka jingpyntrei jong ka Phase-B, ïa ki jaka sah jong ki staff ka long kaba torti bad ka bym i shngaiñ satia, namar ka jingdon ki jingorpait bad ki jingbym skhem bad ka jingbym biang ka thew ka woh. Ka seng ka la pyntip ruh ba ïa ka jingtei, la tei da u kontraktor na Assam bad kaba hap hapoh ka jingpeit ka MTDC na Manipur.
Kumta ka seng shen kan sa leit ban buh da ka jingujor ha ki bor ba dei peit ïa katei ka jingpyntrei, namar kan sa buh ka jingma ïa kiba sah bad kiba pyndonkam ïa ka.
Ka seng ka kyntu ïa ka CPWD bad ka JNV Regional Office, Shillong, ban shimkhia bad kumjuh ïa ka MTDC ban bud ïa ki kam haba la shimti da ki kontraktor, khnang ba ka kam kan da long shisha kaba skhem bad ka jingkyrkhu bad kaba myntoi ïa kiba ïoh ban pyndonkam ïa ka.
