Shillong, Risaw 06
Ka Dalmia Cement (Bharat) Limited, ka la pynlong ïa ka jingïalang plie ïa ka 23rd North East Metalliferous Mine Safety Week-2026, kaba ïadei bad ki kam ki kam tih mar poh khyndew (mining operations) ha Lumshnong, East Jaiñtia Hills, Meghalaya bad ha Dima Hasao, Assam.
Kane ka jingïalang ka long hapoh ka jingpeit jong ka Directorate General of Mines Safety (DGMS), Guwahati Region, bad ka sdang naduh ka 04 tarik haduh ka 10 tarik, Risaw, 2026. Lai kynhun ki nongpeit bniah kin leit jngoh ïa ki jaka tih marpoh khyndew ha Meghalaya bad Assam, ban bishar bniah ïa ki rukom treikam ha kaba ïadei bad ka jingshngaiñ, bad ban lap ïa ki bynta kiba donkam ban pynbha.
Kane ka prokram, la don lang ki nongtrei bad ki kynhun tih marpoh khyndew, khnang ba kan wanrah ïa ka jingïasam jingtip, bad ka jinghikai hapdeng ki nongtrei.
La ïohi ïa ka jingshimbynta jong 50 ngut ki heh, kiba dei peit ïa ki jingtih marpoh khyndew bad 17 ngut ki ophisar kiba peit ïa ka opencast mines.
Ha ka New Umrangso Limestone Mine, Assam, ki ophisar kiba don bynta kidei B. Dayasagar, Director of Mines Safety, Guwahati Region, Ambuj Srivastava, Unit Head, Anil Kumar Ganapurapuwar, HOD – Mines, Dalmia Cement (NE) Limited. Ha DCBL Mine Block III, IV & V, Lumshnong, kiba ïa don bynta kidei K. Prem Kumar, DDMS, Kamlesh Kumar Verma, DDMS, Pankaj Gupta, Unit Head, Hemant Sharma, HOD – Mines, Dalmia Cement (Bharat) Limited.
U Ambuj Srivastava, Unit Head, Dalmia Cement (NE) Limited, u ong, “Ka jingshngaiñ ha ki kam tih marpoh khyndew kadei ka jingkitkhlieh jong baroh. Ki prokram kum kane ka ai ïa ka lad kaba kongsan ïa ka kam tih marpoh khyndew ban ïa pynïasoh lang, ban ïasam bad ban hikai iwei ïa iwei.”
