Shillong, Risaw 06
U Myntri Rangbah ka Jylla Conrad K Sangma ha ka sngi Ba-ar u la pynbna ba ka Sorkar kala rai ban thung ïa ka Sixth Pay Commission.
U Conrad u la ïathuh ba ki kam kila sdang ïaid bad ïa ka jingpynbna yn sa pynmih noh hapoh ka shitaiew lane artaiew.
“Ngi kmen ban pyntip sha baroh ba ngi la rai ba yn sa thung ïa ka Sixth Pay Commission Committee, ki kam kila ïaid mynta,” la ong u Conrad bad pyntip ba ïa u Chairman bad ki dkhot jong ka committee yn sa pynbna shen.
“Nga khmih lynti ba hapoh ka shitaiew lane artaiew duh, ngi dei ban lah ha ka ban pynbna ïa u Chairman jong ka committee bad kumjuh ruh ki dkhot. Ngi la dep ïashong ban ïakren bad ka sah satang ki kam ban pyndep,” u la ong.
“Shen kumba nga ong, lehse ha ka shitaiew lane artaiew, ka jingpynbna jong ka Commission kan sa mih,” u la bynrap.
