Shillong, Risaw 08
U Nongïalam ka Liang Pyrshah ha Ïingdorbar Thawaiñ, u Dr. Mukul Sangma ha ka sngi Palei u la pynbna ba un ym ïasoh bad ka BJP ne sha kano-kano ka seng riewlum.
“Ka BJP kam lah da lei-lei ruh ban pyntroiñ ïa ka TMC ha Meghalaya. Bad katkum ka jingsngew jong nga, u Mukul Sangma um ïasoh bad ka BJP lane sha kano-kano ka seng saiñ pyrthei, lane ka seng riewlum,” u la ong.
U Myntri Rangbah barim ka Jylla u la jubab ïa ki jingkylli, ba hato ka BJP ka la wan sha u.
Haba kyntait ban pynthikna ïa kano-kano ka jingleit shabar ka party, u Mukul u la ong, “Phim lah ban len ba ka BJP kan leit sha kiba bun ki briew. Nga la ai nuksa ïa kiwei pat ki Jylla. Balei nga ai ïa kine ki nuksa? Phi hap ban pule katkum ki laiñ.”
Haba kylli halor ka jingkynnoh ba ka BJP ka pyrshang ban pynïapher ïa ka TMC ha Meghalaya, u Mukul u la ong, “Ngan nym kren eiei halor kata, namar ba kim lah ban pynpra ïa ngi, katba ka Meghalaya ka ïadei, kumta ngan nym kren eiei.”
